काठमाडौँ- पूर्वप्रधानमन्त्री डा. बाबुराम भट्टराईले प्रधानमन्त्री केपी शर्मा ओलीले मध्यरातमा प्रधानन्यायाधीश चोलेन्द्र शम्शेर राणालाई भेटेको दाबी गरेका छन् ।

प्रधानमन्त्री ओलीले प्रधानन्यायाधीश चोलेन्द्र शम्शेर राणालाई सोमबार मध्यरातमा प्रधानमन्त्री निवास बोलाएको दाबीसहितका समाचारहरु बाहिरिएसँगै भट्टराई त्यसलाई शुभ संकेत नभएको जनाएका छन् ।

ट्वीटरमार्फत् डा. भट्टराईले भनेका छन्,’ ‘प्रधानन्यायाधीशलाई प्रमले मध्यरातमा निवास बोलाउने,विदेशी दूतले पटकपटक भेट्ने आदि समाचार/हल्ला लोकतन्त्रकालागि शुभसंकेत हैनन्! खिलराज रेग्मी प्रकरण अन्तरिम संविधानकालको अपवाद हो, त्यो नियम/नजीर बन्न सक्दैन । राज्यका प्रमुख अंग धुजाधुजा पारेर संविधान/लोकतन्त्र मास्ने खेल पूरा नहोस्!’