काठमाडौँ– पछिल्लो २४ घण्टामा काठमाडौँ उपत्यकामा मात्रै १४९८ जनामा कोरोना भाइरसको संक्रमण पुष्टि भएको छ ।

आइतबारको नियमित पत्रकार सम्मेलनमा स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले काठमाडौंमा १ हजार १३२, भक्तपुरमा ९६ र ललितपुरमा २७० जनामा गरी कुल १ हजार ४९८ जना थपिएको जानकारी दिएका हुन् ।

योसहित नेपहालमा एकै दिन ३ हजार १२२ जनामा संक्रमण पुष्टि भएको हो ।

मन्त्रालयका प्रवक्ता गौतमले पछिल्लो २४ घण्टामा ९ हजार २९२ जनाको पीसीआर परीक्षण गर्दा ३ हजार ३२ जनामा संक्रमण पुष्टि भएको छ भने ७८६ जनाको एन्टिजेन परीक्षण गर्दा ९० जना संक्रमण पुष्टि भएको जानकारी दिए ।

यस्तै हाल भेन्टिलेटरमा ६५ जना रहेको मन्त्रालयले जनाएको छ। नेपालमा थप २८ जना कोरोना संक्रमितको मृत्यु भएको छ । योसहित नेपालमा कोरोनाले ज्यान गुमाउनेको संख्या ३ हजार १६४ पुगेको छ ।