काठमाडौँ – नेपाल दुग्ध विकास संस्थानले ‘डेरी ह्वाइटनर’ पाउडर दूध आजबाट बजारमा ल्याएको छ । यसअघि संस्थानले आन्तरिक रुपमा दूध पाउडर उत्पादन गरेर सेनालाई मात्र आपूर्ति गर्ने गरेको थियो ।
संस्थानका सूचना अधिकारी राजेन्द्र प्रसाद अधिकारीले डेरी ह्वाइटनर पहिलोपटक बजारमा पठाइएको जानकारी दिए । संस्थानले धेरै दूध उत्पादन नहुने क्षेत्र तथा घरमा गाई–भैसी नभएका परिवारलाई लक्षित गरी दूध पाउडर बजारमा ल्याएको उनको भनाइ छ ।
संस्थानले अहिले कति परिमाणमा उत्पादन शुरू गरेको भन्ने उनले खुलाएनन् । बजारको माग अनुरुप दूध पाउडर उत्पादन गर्ने उनले बताए ।
संस्थानले विराटनगरको कारखानाबाट धुलो दुध उत्पादन गर्न थालेको हो ।
प्रतिक्रिया