श्रीनगर- भारतीय प्रधानमन्त्री नरेन्द्र मोदीले ‘खेलो ईन्डीया विन्टर गेम्स’ को दोस्रो संस्करणको उद्घाटन गरेका छन् ।
प्रधानमन्त्री नरेन्द्र मोदीले भर्चुअल रुपमा भिडियो मार्फत खेलको उद्घाटन गरेसँगै जम्मूकाश्मीरस्थित गुलमार्गमा प्रतियोगिता शुरू भएको छ ।
सो अवसरमा मोदीले जम्मू काश्मीर शीत खेलका लागि केन्द्रविन्दु बन्ने विश्वास व्यक्त गरे । विन्टर गेम्स ले जम्मू काश्मीर शान्ति र विकासका लागि तयार रहेको संकेत देखाएको प्रधानमन्त्री मोदीको भनाइ छ ।
उद्घाटन समारोहमा भारतका २७ वटा राज्य र केन्द्र शासित क्षेत्रका खेलाडीहरुले मार्च पास गरेका थिए ।
यो खेलले अन्तर्राष्ट्रिय विन्टर गेम्समा भारतको उपस्थिति दर्शाउनका साथै श्रेष्ठ भारत अभियानलाई मजबुत बनाउने प्रधानमन्त्री मोदीको विश्वास छ ।
खेलो इन्डिया अभियान अन्तर्गत श्रीनगर र जम्मूमा उत्कृष्ट केन्द्रहरु र जम्मू काश्मीरको सबै २० जिल्लामा यसको केन्द्रहरु स्थापना गर्ने प्रधानमन्त्री मोदीले बताए ।
प्रतिक्रिया