काठमाडौँ- सर्वोच्च अदालतले प्रतिनिधिसभा पुनर्स्थापना गरेसँगै नयाँ सरकार गठनको चर्चा शुरू भएका छन् ।

नयाँ सरकारको नेतृत्व दाहाल-नेपाल खेमाका पुष्पकमल दाहाल वा माधव कुमार नेपाल हुन सक्ने चर्चा चलिरहँदा प्रधानमन्त्री केपी शर्मा ओलीका प्रेस सल्लाहकार सूर्य थापाले प्रचण्ड-माधव नेतृत्वमा सरकार गठन सम्भव नभएको बताएका छन् ।

प्रेस सल्लाहकार थापाले सामाजिक सञ्जाल फेसबुकमार्फत प्रचण्ड-माधव नेतृत्वमा सरकार गठन हुनु र ‘गोरु ब्याएर बिगौती खान खोज्नु’ उस्तै हुने टिप्पणी गरेका छन् ।

‘पुष्पकमल दाहाल प्रचण्ड र माधवकुमार नेपालको नेतृत्व (प्रधानमन्त्रित्व)मा नयाँ सरकार बन्ने सम्भावना त शून्य बराबर, अर्थात् असम्भव नै छ । यो गोरू ब्याएर बिगौती खान खोजेजस्तै मात्र हो । कान्तिपुरी नगरी परिक्रमाले देखाएको । अरू हेर्दै जाऔं,’ थापाले फेसबुकमा लेखेका छन् ।