काठमाडौं– आमाको नागरिकताका आधारमा नागरिकता पाउन संघर्षतहरुको कथा समावेश गरिएको वृतचित्र ‘मातृभूमि’ सार्वजनिक भएको छ । वृतचित्र महिला कानून तथा विकास मञ्च नामक गैर सरकारी संस्थाले निर्माण गरेको हो ।

वृतचित्रमा आमाको नागरिकता पाए पनि विदेश पढ्न जानका लागि फाराम पर्दा त्यहाँ बाबुको नाम उल्लेख गर्नुपर्ने देखिएपछि आएको समस्यालाई पनि उजागर गरिएको छ ।

वृतचित्रमा आयुष पोखरेल, किरण चन्द, मिनु राजभण्डारी, सबीर चुरौटे, सञ्जिता पराजुली, सरस्वती अधिकारी र सस्मिता गिरीको अभिनय छ ।

शैलेन्द्र पौडेलको निर्देशन रहेको वृतचित्रमा सबिन श्रेष्ठको कन्सेप्ट, सुयोग ढकालको कथा र पटकथा, राजीव मानन्धरको छायांकन, सुरेश त्वानाबसुको सम्पादन र कलर, अन्ना अपर्ना देउजाको कास्टिङ निर्देशन छ । वृतचित्रको निर्माण राजीव मानन्धरले गरेका हुन् ।