काठमाडौँ– प्रधानन्यायाधीश चोलेन्द्र शमशेर राणाको राजीनामा माग्दै आन्दोलन गरिरहेको बार एसोसिएसनले बुधबार पनि सर्वोच्च परिसरमा धर्ना दिएको छ । उता सर्वोच्च अदालतका न्याायाधीशरुले आन्तरिक छलफल गर्ने भएका छन् ।

बुधबार २ बजे छलफलमा बस्ने तयारी भइरहेको एक न्यायाधीशले जानकारी दिए । उनको अनुसार फुलकोर्ट बस्नको लागि आज सबै न्यायाधीशहरु छलफलमा बस्न लागेका हुन् । गोलाप्राथा कहिलेबाट लागु गर्ने भन्ने विषयमा समेत छलफल हुने उनले जानकारी दिए ।

बारको धर्नाका क्रममा सहभागी अधिवक्ता, वलिकहरुले प्रधानन्यायाधीशविरुद्ध चर्का नारा लगाएका थिए । उनीहरुले प्रधानन्यायाधीशको राजीनामा नआएसम्म आन्दोलन नरोकिने चेतावनी दिएका थिए ।

सर्वोच्चमा धर्ना दिएपछि बारका पदाधिकारीहरु उच्च अदालत पाटनमा धर्नाका लागि पुगेका थिए । बारको आन्दोलन अन्तर्गत बुधबार देशभरका उच्च अदालतमा प्रर्दशन भएको छ । उपत्यकाको उच्च अदालत पाटनसहित देशभरका १८ उच्च अदालतमा बारले २ घन्टा कालोपट्टीसहितको धर्ना र विरोध कार्यक्रमको आयोजना गरेको हो ।

बारले बिहीबार काठमाडौँमा सर्वोच्चदेखि बालुवाटारसम्म मार्चपास गर्ने जनाएको छ ।