काठमाडौँ– ५५ वर्षे उमेरहदका कारण नेपाल प्रहरीका प्रहरी बरिष्ठ उपरीक्षक (एसएसपी) दिलीप चौधरी आज (असार १०, २०७८)बाट अवकाशमा जाँदैछन् ।

चौधरी प्रहरी महानिरीक्षक (आईजीपी) शैलेश थापा क्षेत्रीका ब्याची चौधरीले प्रहरी महानिरीक्षक (डीआईजी) बन्न कसरत गरेपनि सफल हुन सकेनन् ।

अवकास पाउने अघिल्लो दिन मात्र चौधरीले पत्रकारहरुसँग कुरा गर्दै राजनीतिक आरोप लगाएर आफूलाई बढुवामा बञ्चित गरिएको गुनासो गरे ।

चौधरीले पत्रकारहरुसँग भने, ‘मेरो क्षमता र कार्यसम्पादन नजरअन्दाज गर्दै राजनीतिक आरोप लगाएर मलाई बढुवाबाट बञ्चित गराइयो ।’

आफूलाई अन्याय भएको कुरा प्रधानमन्त्री केपी शर्मा ओलीलाई भेटेर राख्न खोज्दासमेत भेट नपाएको चौधरीले गुनासो गरे।

यतिमात्र होइन एसएसपी चौधरीले आफ्नै ब्याची संगठन प्रमुख (आईजीपी)ले समेत बढुवाको विषयमा चासो नदिएको बताए।

चौधरीले भने ‘आईजीसापले समेत चासो नदिँदा मलाई दुःख लागेको छ, यसमा म आपत्ति जनाउँछु। यसले नैरश्यता तथा असुरक्षा महसुस गरेको छु ।’ आईजीपीलाई भेट्न जाँदा बालुवाटरले नाम काटेको चौधरीको आरोप छ ।

बढुवा समितिको अध्यक्षलाई भेट्न जाँदासमेत बालुवाटरबाट नाम काटेको हो मैले केही गर्न सक्दिन भनेर आफूलाई पठाएको चौधरीले बताए।

चौधरी कांग्रेस नेता विजयकुमार गच्छदारसँग निकट मानिन्थे । गच्छदारसँगको प्रसंगसमेत उल्लेख गर्दै चौधरीले गुनासो पोखेका छन् ।

के छ भिडियोमा ?