लसएन्जल्स– हलिउड अभिनेता विन डिजल भन्नासाथ जोकोहीले फिल्म ‘फास्ट एण्ड फ्युरियस’ सम्झन्छन् । उनले आफ्नो करियरमा धेरै हिट फिल्म दिएका छन् ।

अमर उजालामा प्रकाशित समाचारअनुसार यी अभिनेता ‘फास्ट एण्ड फ्यूरियस’को नवौं सिरिजमा १० वर्षे छोरा विन्सेन्ट सिंक्लेयरलाई डेब्यू गराउदैछन् । विन्सेन्टले सन् २०१९ मै आफ्नो दृश्यको छायांकन गरिसकेका छन् ।

डिजेल छोरालाई निकै प्रेम गर्छन् र उनी कैयौं पटक पिताका साथ मिडियामाझ आइसकेका छन् ।

विन्सेन्ट विन र उनको लामो समयको प्रेमिका पालोमा जिमनेजका छोरा हुन् । यसबाहेक उनका दुई सन्तान हेनिया रिले र पालिने सिंक्लेयर छन् ।

‘फास्ट एण्ड फ्यूरियस ९’ को सुरुवात सन् २०१९ को जूनमा इंग्ल्याण्डको लीव्सडन स्टुडियोमा भयो र त्यसै वर्षको नोभेम्बरमा छायांकन सकिएको थियो ।