काठमाडौँ– सर्वोच्च अदालतले पशपतिनाथ मन्दिरमा सुनको जलहरी लगाउने सरकारी निर्णय तत्काल कार्यान्वयन नगर्न आदेश गरेको छ ।

न्यायाधीश पुरुषोत्तम भण्डारीको एकल इजलाशले पशुपतिनाथको शिवलिङ्गमा सुनको जलहरी राख्ने सरकारको निर्णय यथास्थितीमा राख्न भन्दै कारण देखाउ आदेश जारी गरेको हो ।

बाग्मती प्रदेशसभाका सदस्य नरोत्तम वैद्य र अधिवक्ता नीतिका ढुंगानाले दायर गरेको रिटमाथि सुनुवाई गर्दै सर्वोच्चले सुनको जलहरी राख्ने निर्णय यथास्थितीमा राख्न आदेश दिएको हो ।

आज बिहान मात्रै राष्ट्रपति विद्यादेवि भण्डारीले जलहरी राख्नुपूर्व क्षमा पूजा गरेकी थिइन् ।

पशुपतिनाथमा सुनको जलहरी लगाइसकेका बेला सर्वोच्चले सरकारको निर्णय कार्यान्वयन नगर्न आदेश दिएको हो ।