मुम्बई(जीन्यूज)– बलिउड अभिनेत्री प्रियंका चोपडाले सामाजिक सञ्जालका माध्यमबाट फ्यानका लागि आश्चर्यजनक संकेत गरेकी छन् । हालैमात्र उनले इन्स्टाग्रामबाट पति निक जोनसको सरनेम हटाएकी छन् । उनले हालसम्म सामाजिक सञ्जालमा आफ्नो नाम ‘प्रियंका चोपडा जोनस’ राखेकी थिइन् ।

प्रियंकाको अहिले एकाउण्टमा उनको नाम ‘प्रियंका चोपडा’ मात्र छ । प्रियंका अघि कैयौं अभिनेत्रीहरुले सामाजिक सञ्जालबाट पतिको थर हटाएर सम्बन्धविच्छेद गर्ने संकेत दिएका थिए । अहिले सामाजिक सञ्जालमा के प्रियंका चोपडाले पतिसँग अलग्गिने निर्णय लिएकी हुन् ? भन्ने चर्चा चलेको छ ।

मलाइका अरोडा खानले पनि पति अरबाज खानसँग सम्बन्धविच्छेद गर्नु अघि खान शब्द हटाएकी थिइन् । प्रियंका र निकको विवाहलाई लिएर पहिले पनि धेरै गसिप बाहिर आएका थिए । प्रियंकाले अमेरिकाको नागरिकता लिनका लागि निकसँग विवाह गरेको सम्म चर्चा लगेको थियो ।

यद्यपि सम्बन्धविच्छेदलाई लिएर दुवै पक्षले आधिकारिक केही घोषणा गरेका छैनन् । प्रियंकाले विवाह पछि इन्स्टा एकाउण्टमा प्रियंका चोपडा जोनस लेख्ने गरेकी थिइन् ।