काठमाडौँ– नेपालमा पछिल्लो २४ घण्टामा २ हजार ९७७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १३ हजार ६९८ जनाको पीसीआर परीक्षणबाट १ हजार ९८२ र ३ हजार ६१० जनामा गरिएको एन्टिजेन परीक्षणमा ९९५ जना गरी जम्मा २ हजार ९७७ जनामा संक्रमण पुष्टि भएको हो ।
पछिल्लो २४ घण्टामा थप १८ जना कोरोना संक्रमितको मृत्यु भएको छ ।
सोही अवधिमा देशभरका विभिन्न अस्पतालबाट थप १ हजार ६७८ जना कोरोना संक्रमित निको भएर विभिन्न अस्पतालबाट डिस्चार्ज भएको मन्त्रालयको तथ्यांकमा उल्लेख छ ।
कहाँ कति थपिए ?
मन्त्रालयका अनुसार प्रदेश १ को इलाममा १३, उदयपुरमा ५, खोटाङमा ७, झापामा ३०१, धनकुटामा १६, पाँचथर १, भोजपुरमा १, मोरङमा ९५, संखुवासभामा २, सोलुखुम्बुमा १ र सुनसरीमा १०५ जनामा कोरोना भेटिएको छ।
यसैगरी प्रदेश २ को धनुषामा ९, पर्सामा ५, बारामा १, महोत्तरी ८, सप्तरीमा ९, रौतहटमा ३, सर्लाहीमा ५ र सिरहामा ८ जनामा कोरोना पाइएको छ।
बागमती प्रदेशको काठमाडौंमा ४१०, काभ्रेमा १२, चितवनमा १८६, दोलखामा ५, धादिङमा १०, नुवाकोटमा ३३, भक्तपुरमा ६९, मकवानपुरमा ४२, रामेछापमा ११, ललितपुरमा १३४ सिन्धुलीमा ३ र सिन्धुपाल्चोकमा ५ जनामा कोरोना पुष्टि भएको छ।
यसैगरी गण्डकी प्रदेशको कास्कीमा १७६, गोरखामा ३०, तनहुँमा ११, नवलपरासी पूर्वमा ६६, पर्वतमा ३, म्याग्दीमा १६, लमजुङमा ४ , बागलुङमा २६ र स्याङजामा ८ जनामा कोरोना भेटिएको छ।
कोरोना पुष्टि हुनेमा लुम्बिनी प्रदेशको अर्घाखाँचीमा ५, कपिलवस्तुमा ५, गुल्मीमा ७, दाङमा २९, नवलपरासीमा ६, पाल्पामा १०, प्युठानमा ४, बर्दियामा १, बाँकेमा ५, रोल्पामा १ र रुपन्देहीमा ३४ जना छन्।
यस्तै, कर्णाली प्रदेशको कालिकोटमा १, सल्यानमा १ र सुर्खेतमा १ जनमा कोरोना भेटिएको छ भने सुदूरपश्चिम प्रदेशको कञ्चनपुरमा ५, कैलालीमा ५, डडेल्धुरामा ३, दार्चुलामा ३, र बैतडीमा १ जनामा कोरोना संक्रमित भेटिएको मन्त्रालयले जनाएको छ।
प्रतिक्रिया