काठमाडौँ – दक्षिणकालीस्थित शौचालयमा मृत भेटिएकी महिलाको पहिचान खुलेको छ ।
महानगरीय अपराध महाशाखाकाका अनुसार मृतक पशुपंछीको आवाज निकालेर युट्युबमा भाइरल बनेकी सन्तोषी सुब्बाको रहेको खुलेको हो ।
महाशाखा प्रमुख एसएसपी चन्द्रकुवेर खापुङले भने, ‘दक्षिणकालीमा भेटिएकी महिलाको शव पहिचान भएको छ, शव सन्तोषी सुब्बाको भन्ने खुलेको छ । अहिले हामीले विस्तृत रुपमा अनुसन्धान गरिरहेका छौ ।’
मंगलबार दक्षिणकालीको शौचालयबाट महिलाको शव फेला परेको थियो ।
प्रहरीका अनुसार शव टाउकोमा गह्रुँगो वस्तुले हिर्काएको र अनुहार क्षतविक्षत भएको छ । घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया