एनटीसीको नेटवर्कमा समस्या, पोष्टपेड र प्रिपेड मोबाइलमा फोन लाग्दैन

९ असार २०७८, बुधबार

पढ्न लाग्ने समय : < 1 मिनेट

काठमाडौँ– आज बिहानैदेखि देशभर नेपाल टेलिकमको नेटवर्कमा समस्या देखिएको छ ।

बिहानैदेखि फोन लागेको छैन भने एसएमएस पनि डेलिभर भएको छैन । मोबाइलमा फोन गर्दा ‘कल इण्ड’ भएको देखाउँछ ।

यो समस्या देशैभर रहेको टेलिकमले जनाएको छ । देशभरका पोष्टपेड र प्रिपेड नम्बरमा फोन लागेको छैन । तर एनटीसीको सीमबाट एनसेलमा भने फोन लागेको छ ।

टेलिकमका अनुसार अहिले समस्या समाधानका लागि प्रयास भइरहेको छ । के कारण समस्या देखिएको भन्ने खुलेको छैन ।

बिहानैदेखि फोन नलाग्दा सेवाग्राही समस्यामा परेका छन् ।

प्रकाशित मिति : ९ असार २०७८, बुधबार ७ : ४६ बजे

प्रतिक्रिया