काठमाडौं– नेपाली फिल्म ‘गोर्खे’ अष्ट्रेलियामा आज पुनः प्रदर्शन हुँदैछ । ग्लोबल मिडिया एण्ड रिसर्च सेन्टरको सहकार्यमा डि व्वाइज इभेन्ट्सले अस्ट्रेलियाको क्यानबेरामा फिल्म प्रदर्शन गर्न लागेको हो ।

गोर्खेको क्यानभेरा प्रदर्शनका लागि डि व्वाइज इभेन्ट्सलाई यु रेमिट हसल फ्रि ले सहकार्य गरेको छ । फिल्म क्यानबेरास्थित लाइमलाइट सिनेमाजमा प्रदर्शन हुँदैछ ।

डि व्वाइज इभेन्ट्सका सिइओ गणेश मल्ल ठकुरीले फिल्मप्रति दर्शकले उल्लेख्य चासो दिएको बताए ।

कोजु इन्टरटेन्टमेनको ब्यानरमा हरि लामाको प्रस्तुति र तिर्थराम कोजु र हरि थापा निर्माता रहेको फिल्मले पाँच युवाको सपनालाई चित्रण गरेको छ ।

फिल्ममा रवीन्द्रप्रताप सेन, अञ्जली अधिकारी, अर्जुन गुरुङ, आश्मी लामा, आश्मी श्रेष्ठ, एन्जेल श्रेष्ठ, बालदीप राईलगायतका कलाकारको प्रमुख अभिनय रहेको छ ।