सिरी ‘ए’ फुटबलमा नापोलीको जित

१० बैशाख २०७८, शुक्रबार

पढ्न लाग्ने समय : < 1 मिनेट

काठमाडौँ- इटालियन सिरी ‘ए’ फुटबलमा नापोलीले लाजियोविरूद्ध फराकिलो जित निकालेको छ ।

बिहीबार राति भएको खेलमा नापोलीले लाजियोलाई ५-२ को फराकिलो अन्तरले हराएको हो ।

नापोलीलाई जित दिलाउन लोरेन्जो इन्सिग्नेले दुई गोल गरे । यस्तै माटियो पोलीटानो, ड्रिएस मेर्टेन्स र भिक्टर ओसीम्हेनले एक एक एक गोल गरे ।

लाजियोका सिरो इम्मोबाइल र सेर्जिज साभिकले एक एक गोल फर्काए ।

जितसँगै नापोलीले ३२ खेलमा ६३ अंक जोड्दै पाँचौं स्थानमा रहेको छ । लाजियो ५८ अंक जोडेर छैटौं स्थानमा रहेको छ ।

प्रकाशित मिति : १० बैशाख २०७८, शुक्रबार १० : ३० बजे

प्रतिक्रिया