काठमाडौं–प्रभु बैंकले विद्यार्थीमा बैकिङ चेतना बढाउने उद्देश्यले वित्तीइ साक्षरता कार्यक्रम सञ्चालन गरेको छ।

बैंकले सिन्धुपाल्चोकका विभिन्न विद्यालयका विद्यार्थीलाई आफ्नो प्रधान कार्यालय अवलोकनसमेत गराएको छ।

अवलोकनकना क्रममा तेर्से माध्यामिक, महेन्द्र माध्यामिक, पाल्चोक माध्यामिक र भुमेश्वरी माध्यमिक विद्यालयमा कक्षा ७, ८ र ९ मा अध्ययनरत ४८ जना विद्यार्थी सहभागी थिए।

सहभागीले बबरमहलस्थित बैंकको प्रधान कार्यालयमा अवलोकन भ्रमण गरी बैंकिङ्ग साक्षरता÷ज्ञान हासिल प्राप्त गरे।

विद्यार्थीलाई विभिन्न समूहमा विभाजन गरी बैंकको प्रधान कार्यालय बबरमहल अन्तर्गतका विभिन्न विभागको स्थलगत अवलोकन गराइएको थियो।

विभिन्न सामाजिक क्रियाकलापमा सहभागी हुँदै आएको बैंकले शिक्षा क्षेत्रमा समेत आर्थिक, शैक्षिक लगायतको सहयोग उपलब्ध गराउँदै आएको छ।