ऐनामा हामीले आफ्नो व्यक्तित्वको झलक देख्दछौ । त्यसैले दैनिक उपभोग्य सामाग्रीमा ऐना पनि पर्दछ । तर ऐनाको प्रयोग केवल अनुहार हेर्न वा तयारी हुन मात्र हुदैँन । वास्तु शास्त्र अनुसार ऐना सहि दिशामा नभए जीवनमा नकारात्कमक असर पर्ने र विभिन्न समस्या झेल्नु पर्ने हुनसक्छ ।

वास्तु अनुसार घरमा सही दिशामा ऐना नभएमा यसले सफलतामा बाधा पुर्‍याउन सक्छ । साथै घरमा नकारात्मक एनर्जी बढाउँछ । तसर्थ ऐनालाई हमेशा पूर्व र उत्तर दिशाको पर्खालमा मात्र राख्नु पर्दछ । अर्थात यसमा हेर्ने व्यक्तिको मुख पूर्व वा उत्तरतर्फ फर्कियोस् । तर ऐनालाई दक्षिण वा पश्चिमतर्फको पर्खालमा भने राख्नु हुदैँन ।

घरमा ऐना राख्दा ध्यान दिनुपर्ने कुराहरु :
– घरमा राखिने ऐना गोलो वा अण्डाकार आकारको शिशा भएको हुनु हुदैँन । यो चारपाटे वा आयताकार आकारको हुनु पर्दछ ।

– कहिल्यै टुक्रिएको वा चक्रिएको वा धमिलो देखिने ऐना समेत घरमा राख्नु हुदैन । वास्तु अनुसार यस्ता ऐनाले दुर्भाग्य र समस्या निम्त्याउँछ ।

– वास्तु अनुसार बेडरूममा कहिल्यै ऐना राख्नु हुदैन । यसो गरेमा पति पत्नीबीचको आपसी विश्वास घट्ने गर्दछ । यदि कुनै कारणवश बेडरुममा ऐना हुने भए सुत्दा यसमा देखिने हुनु हुदैँन ।

– घरमा दराज वा ढुकुटीको सामु ऐना राख्नु शुभ मानिन्छ । यसले घरमा धनको वृद्धि हुने मान्यता छ । साथै ड्रइंग रूममा पनि ऐना राख्नु शुभफल प्राप्त हुने मान्यता छ । यसका अलावा दुई ऐना एकअर्काको सामु हुनु हुदैन ।

– वास्तु अनुसार घरको मुख्यद्वारको सामु समेत ऐना वा कुनै पनि शीशा हुनु हुदैँन । यसो गरेमा घरको सारा सकारात्मक ऊर्जा बाहिर जाने वास्तुको मान्यता छ ।