मुम्बई–दक्षिण भारतीय फिल्म स्टार अल्लू अर्जुन हालका दिनमा आफ्नो फिल्म ‘पुष्पा’मा व्यस्त छन् । यो फिल्मको पहिलो सुटिङ तालिका पुरा गरेपछि निर्माण युनिट दोस्रो तालिकाको तयारीमा छ ।

फिल्ममा अल्लू एक लरी चालकको भूमिकामा छन् । यसका लागि उनको लुक्स ‘रफ एण्ड टफ’ बनाइएको छ । अल्लू ‘स्टाइलिश स्टार’का रुपमा परिचित भए पनि यो फिल्ममा भने उनी फरक देखिँदैछन् ।

फिल्ममा फिट देखिनका लागि उनले मेकअपमा लामो समय बिताइरहेका छन् । सेटमा टेक लिनु अघि मेकअप गर्न र टेक लिइसकेपछि मेकअप क्लिजिङ गर्न घण्टौं समय लाग्ने गरेको छ ।

बलिउड लाइफका अनुसार फिल्ममा उनको घुङ्रिएको बाक्लो कपाल देखिनेछ । उनको छालाको रंगलाई निकै रातो बनाइएको छ । अल्लूले आफ्नो चरित्रमा फिट लगाउनका लागि फिल्ममा लुंगी र सर्ट लगाएका छन् । जसकारण पनि अन्य फिल्मको तुलनामा यो फिल्ममा उनको मेहनत केही बढी नै छ ।