काठमाडौँ– स्वास्थ्य तथा जनसंख्या मन्त्रालयले नेपालमा हालसम्म कोरोना भाइरस संक्रमितको संख्या २ लाख ६९ हजार १ सय ८० पुगेको जनाकारी दिएको छ ।

जसमा पछिल्लो २४ घण्टामा २ सय ३२ संक्रमित थपिएका हुन । मन्त्रालयका अनुसार हाल ३ हजार ४५२ जना सक्रिय संक्रमित छन्।

२४ घण्टामा थपिएका कोरोना संक्रमितमध्ये प्रदेश २ को धुनषामा १, बारामा १, महोत्तरीमा १, रौतहटमा १ र सर्लाहीमा २ जना रहेका छन ।

यसैगरी बागमती प्रदेशको काठमाडौंमा ८०, काभ्रेमा २, चितवनमा ४३, दोलखामा १, धादिङमा २, भक्तपुरमा ९, मकवानपुरमा १, ललितपुरमा २० र सिन्धुपाल्चोकमा ४ जनामा कोरोना भाइरसको संक्रमण पुष्टि भएको छ ।

यस्तै गण्डकी प्रदेशको कास्कीमा १७, गोरखामा २, नवलपरासीमा पूर्वमा ४, बागलुङमा १ र स्याङजामा १ जनामा कोरोना संक्रमित थपिएको मन्त्रालयले जानकारी दिएको छ ।

मन्त्रालयका अनुसार लुम्बिनी प्रदेशको अर्घाखाँचीमा १, कपिलवस्तुमा १, गुल्मीमा ४, नवलपरासीमा ३, पाल्पामा ८, प्यूठानमा १, बाँकेमा ८, बर्दियामा १ र रुपन्देहीमा १० जनामा कोरोना भाइरसको संक्रमण पुष्टि भएको छ ।

यसैगरी सुदूरपश्चिम प्रदेशको कैलालीमा १ जनामा कोरोना पुष्टि भएको छ । पछिल्लो २४ घण्टाको अवधिमा प्रदेश १ र कर्णाली प्रदेशमा कुनै पनि संक्रमित नभेटिभएको मन्त्रालयले जनाएको छ ।