काठमाडौं–यही पुष १६ गतेबाट प्रदर्शनमा आउन लागेको फिल्म ‘कठपुतली’ को ओएसटी गीत ‘यो ज्यान कठपुतली’सार्वजनिक भएको छ । लोकलयको गीतमा गायिका मेलिना राईको स्वर, दयाराम पाण्डेको शब्द र सुरेश अधिकारीको संगीत छ । गीतमा फिल्मका दृश्यहरुलाई समेटिएको छ ।

गीतको भिडियो भिएफएक्स र एनिमेशन प्रयोग गरी बनाईएको छ । परिवार परित्याग गरेको एक राजकुमार शाही दरबारमा रहँदा सामना गर्नुपरेका विभिन्न रहस्यहरू तथा अदृश्य शक्तिहरूबाट बच्नको लागि गरेको संघर्षको कथा फिल्ममा देखाइएको छ ।

भीमसेन लामा निर्देशित फिल्ममा गौरी मल्ल, मिथिला शर्मा, शिल्पा माष्के, कर्मा, उषा रजक, सुवर्ण थापा, ध्रुव कोइरालालगायतका कलाकारहरुको अभिनय रहेको छ । फिल्ममा पृथ्वी राना मगर निर्माता छन् भने सम्पदा मल्लले कथा लेखेकी हुन् ।

अष्ट्रेलियाका छायांकार जोएल फ्रुमले छायांकन गरेको फिल्ममा विशाल श्रेष्ठ, धर्म श्रेष्ठ र हेम थापा सह–निर्माता छन् ।