काठमाडौं–फिल्म ‘गुञ्जन’को गीत ‘सासै चल्छ पल पल तिम्रै मायाको’को दुबईमा छायांकन गरिएको छ । प्रितमराज सेन्चुरी र अभिनेत्री सारा सिर्पालीको रोमान्स रहेको गीतमा कविराज गहतराजको कोरियोग्राफी र विदुर पाण्डेको छायांकन छ ।

हिराकृष्ण महर्जनको निर्माण रहेको फिल्ममा द्वन्द्व निर्देशक अष्ट महर्जनको डेब्यू निर्देशन छ । अष्ट विगत २ दशकदेखि नेपाली फिल्ममा द्वन्द्व निर्देशकका रुपमा सक्रिय छन् ।

प्रेमकथा बोल्ने फिल्ममा सरोज खनाल, हिउँवाला गौतम, कविर खड्का, रोहन शाही, निरुता स्याङताङ, कञ्चन चालिसे, सुस्मिता बराल, इभा श्रेष्ठ, अमोद भट्ट, आइपी आचार्य, ऋचा शर्मा, अमेश न्यौपानेलगायतका कलाकारको अभिनय छ ।

फिल्ममा राजु श्रेष्ठको छायांकन, विपिन मल्लको सम्पादन, कविराज गहतराजको नृत्य र कल्याण सिंह, अर्जुन पोखरेल र करणराज कार्कीको संगीत छ ।

हिराकृष्ण शाहीको प्रस्तुति र सुनिता शाही निर्माता रहेको फिल्म एएच इन्टरटेन्मेन्टको ब्यानरमा निर्माण भएको हो । फिल्ममा अभिनेत्री नीता ढुंगानाको आइटम नृत्य छ ।