मुम्बई(बलिउड लाइफ)– भारतीय मूलकी हलिउड अभिनेत्री फ्रीडा पिन्टोले प्रेमी कोरी ट्रेनसँग विवाह गरेकी छन् । फ्रीडाले इन्स्टाग्रामका माध्यमबाट फ्यानमा आफ्नो विवाहको तस्वीर सार्वजनिक गरेकी छन् ।
तस्वीरमा फ्रीडा र कोरी एकअर्कालाई चुम्बन गरिरहेको देख्न सकिन्छ । फ्रीडाको विवाहको खबर निकै लामो समयदेखि मिडियामा आइरहेको थियो । तर उनी अक्टोबर २१ मा आधिकारिक रुपमा वैवाहिक जीवनमा प्रवेश गरिन् ।
अभिनेत्री फ्रीडाले सेतो गाउन लगाएकी थिइन् । उनी पहिरनमा निकै सुन्दर देखिएकी थिइन् । फ्रीडा र कोरीको चुम्बन तस्वीरलाई दर्शकले निकै मनपराएका छन् । विवाहपछि फ्रीडाले साथीसँग पार्टी गरेकी थिइन् ।
प्रतिक्रिया