काठमाडौँ– विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीले वैदेशिक हस्तक्षेपविरुद्ध काठमाडौंमा प्रदर्शन गरेको छ ।

बिहबिार काठमाडौंको माइतिघरमा क्रान्तिकारीका युवाहरुले वैदेशिक हस्तक्षेपविरुद्ध र राष्ट्रिय स्वाधिनताको पक्षका प्रदर्शन गरेका हुन् ।

उनीहरुले एमसीसी खारेज गर्नुपर्ने, सबैखाले वैदेशिक हस्तक्षेप बन्द गर्नुपर्ने, सवै असमान सन्धी सम्झौता खारेज गर्नुपर्ने माग अघि सारेका छन् । अखिल क्रान्तिकारीका महासचिव प्रकाश शाहीले नयाँ सरकार बनेपछि वैदेशिक हस्तक्षेप हुन सक्ने भन्दै सरकारको ध्यानाकर्षण गराउन प्रदर्शन गरिएको बताए ।

प्रदर्शनमा सहभागीहरुले निशुल्क बैज्ञानिक समाजवादी शिक्षा प्रणाली अपनाउनुपर्ने भन्दै बताएका थिए ।