काठमाडौँ– काठमाडौँको दक्षिणकालीमा विभत्स हत्या गरेको अवस्थामा एक महिलाको शव फेला परेको छ ।
गह्रुंगो वस्तुले अनुहार नचिनिने गरी किच्याएको अवस्थामा शव भेटिएको प्रहरीले जनाएको छ ।
उपत्यका अपराध अनुसन्धान महाशाखाका एसएसपी चन्द्रकुवेर खापुङका अनुसार प्रारम्भिक अनुसन्धानमा महिलाको हत्या भएको हुनसक्ने देखिएको छ । शव अन्दाजी ३०/३५ वर्षको महिलाको भएको प्रहरीको भनाइ छ । सनाखत भने भइसकेको छैन ।
दक्षिणकालीको पिकनिक स्पट छेऊ पुरानो ट्वाइलेटमा शव भेटिएको एसएसपी खापुङले बताए । प्रहरीले घटनास्थलमा फेरेन्सिक डाक्टर र तालिम प्राप्त कुकुरलाई पनि बोलाएको छ ।
प्रतिक्रिया