मुम्बई– बलिउड अभिनेत्री अमिषा पटेलले सन् २००० मा ऋतिक रोशनका साथ फिल्म ‘कहो ना प्यार हे’बाट आफ्नो करियरको धमाकेदार सुरुवात गरिन् । यो फिल्मले बक्सअफिसमा आफूलाई हिट साबित गरेको थियो ।

उनको दोस्रो फिल्म ‘गदर एक प्रेम कथा’को सफलताले उनी फिल्म उद्योगको ठूलो स्टार नै बनिन् । यही बेला उनी र आफ्नो परिवारबीच खटपट भएको समाचार सार्वजनिक भएको थियो ।

एबीपी लाइभका अनुसार अमिषाले एक अन्तरवार्तामा आफ्नो कमाईलाई पिताले गलत रुपमा प्रयोग गरेको बताएकी थिइन् । जसको असर उनको करियरमा पर्न थाल्यो ।

केही व्यक्तिले अमिषा एक प्रख्यात निर्देशकसँग सम्बन्धमा रहेको र त्यो सम्बन्ध आमाबाबुलाई मननपराएको बताउदै आएका थिए । यही कारण अमिषाले पितामाथि आरोप लगाएपछि उनलाई आमाबाबुले घरबाट निकालिदिएका थिए ।

एकदिन अमिषाले पत्रकार सम्मेलन गरेर आमाले आफूलाई चप्पलले हिर्काएर घरबाट निकालेको आरोप लगाइन् । तर यसपटक भने उनको हिस्सामा नकारात्मक प्रचारप्रसार सुरु भयो । यो घटनापछि उनको करियर सकियो ।

जसकारण उनले न त काम नै पाइन्, न त परिवार नै । दुवै कुरा नभएपछि उनी प्रेमबाट पनि पछाडि पारिन् ।