काठमाडौँ– नेकपा एमालेको माधव नेपाल र झलनाथ खनाल समूहले पार्टी एकता र कम्युनिस्ट आन्दोलन जोगाउन अपील परेका छन् ।

कम्युनिस्ट पार्टीको ७२ औँ स्थापना दिवसका अवसरमा वरिष्ठ नेताद्वय माधवकुमार नेपाल, झलनाथ खनालसहित १५ जना नेताहरुले संयुक्त वक्तव्य जारी गर्दै त्यस्तो अपील गरेका हुन् ।

प्रधानमन्त्री समेत रहेका पार्टी अध्यक्ष केपी शर्मा ओलीमा व्यक्तिवादी तथा विसर्जनवादी कदमहरूले पार्टी एकतालाई भत्काएको र संविधानमाथि आक्रमण गरेको समेत आरोप लगाएका छन् ।

त्यस्तै अदालतले पार्टी नेकपा एकतालाई भंग गरेसँगै बाँकी रहेको एमालेको एकतालाई समेत भत्काउन ओली लागेको नेपाल-खनाल पक्षले आरोप लगाएको छ ।

अपीलमा भनिएको छ, ‘पार्टी अध्यक्ष तथा प्रधानमन्त्रीका एक वर्षमा हामीमाथि एकपछि अर्को सङ्कट आइपरेका व्यक्तिवादी तथा विसर्जनवादी कदमहरूले आफैले निर्माण गरेको संविधानमाथि आक्रमण गरेर संसद विघटन गर्नु भयो, पार्टी एकतालाई भत्काउनु भयो र संसदको बहुमत गुमाउनु भयो । र, अदालतले न्यायिक दायरा नाघेर गरेको राजनीतिक निर्णयले एकिकृत पार्टीलाई विभाजन गरेपछि बाँकि रहेको नेकपा एमालेलाई समेत विभाजन गर्न र कम्यनिष्ट आन्दोलनलाई विसर्जन गर्न पार्टी अध्यक्ष स्वयं नै सुनियोजितरुपले अगाडि बढिरहनु भएको छ । राजनीतिक घटना र कारणलाई हेर्दा नवौँ महाधिवेशनले नीति र नेतृत्वमा गरेका विरोधाभाषपूर्ण निर्णयको परिणामका रुपमा आज पार्टीले यो दुर्भाग्य ब्यहोर्दैछ भन्ने स्पष्ट ।’

त्यस्तै ओलीले पार्टीलाई विभाजनको दिशामा लगेको आरोप लगाउँदै त्यसले कम्युनिस्ट आन्दोलनलाई नै विसर्जनको दिशामा लगेको आरोप रहेको छ ।

हेर्नुहोस् नेपाल खनाल समूहले गरेको अपील