काठमाडौँ–प्रतिनिधि सभाको भोलिको बैठकका लागि सम्भावित कार्यसूची सार्वजनिक भएको छ । संसद सचिवालयले मंगलबार बस्ने बैठकको सम्भावि कार्यसूची सार्वजनिक गरेको हो ।

बैठकमा प्रधानमन्त्री केपी शर्मा ओलीले न्याय परिषद् र न्याय सेवा आयोगको आर्थिक वर्ष २०७६–०७७ को वार्षिक प्रतिवेदन र महान्यायाधिवक्ताको आर्थिक वर्ष २०७६–२०७७ को वार्षिक प्रतिवेदन पेश गर्ने कार्यसूची रहेको छ ।

त्यसैगरी प्रतिनिधिसभाको उद्योग तथा वाणिज्य र श्रम तथा उपभोक्ता हित समितिका सभापति बिमल प्रसाद श्रीवास्तवले वार्षिक प्रतिवेदन पेश गर्नेछन् ।

उद्योग तथा वाणिज्य र श्रम तथा उपभोक्ता हित समितिका सभापति श्रीवास्तवले उद्योग तथा वाणिज्य र श्रम तथा उपभोक्ता हित समितिको वार्षिक प्रतिवेदन, २०७७ पेश गर्ने कार्यसूची रहेको संसद सचिवालयले राखेको छ । मंगलबार १ बजेका लागि प्रतिनिधिसभा बैठक बोलाइएको छ ।