मुम्बई– बलिउड अभिनेता पर्दामा कैयौं अभिनेत्रीसँग रोमान्स गर्ने गर्छन् । पर्दा पछाडि पनि उनीहरुको अफेयर उस्तै बाक्लो हुन्छ ।

बलिउडमा केही कलाकारहरु यस्ता छन्, जसले एक, दुई अफेयर पछि विवाह गरेका छन् । यहाँ केही अभिनेताको तीनदेखि अधिकतम तीन सय बढी प्रेमिकाहरु पनि थिए ।

अमर उजालाका अनुसार बलिउड अभिनेता रणवीर सिंह फिल्मभन्दा बढी आफ्नो प्रेमजीवनका कारण चर्चामा आइरहन्छन् । उनको नाम दीपिका पादुकोण, सोनम कपूर र कटरीना कैफसँग जोडिइसकेको छ ।

यतिमात्र होइन, उनी कैयौं पटक रहस्यमयी युवतीहरुका साथ दिएका छन् । हालका दिनमा उनी अभिनेत्री आलिया भट्टसँग डेटमा छन् ।

बलिउडका ‘दबंग’ अर्थात् सलमान खान हालसम्म अविवाहित छन् । अविवाहित रहे पनि यी अभिनेता अफेयरको मामलामा चोखो छैनन् ।

उनको नाम ऐश्वर्या राय, कटरीना कैफ, संगीता बिजलानी, सोमी अली, यूलिया वन्तुर जस्ता सुन्दरीहरुसँग जोडिइसकेको छ ।

बलिउडका ‘खेलाडी कुमार’ अक्षय कुमार रोमान्सका मामलामा पनि खेलाडी नम्बर एक नै छन् । अभिनेत्री ट्विंकल खन्नासँग विवाह गरेपछि खुशी जीवन बिताइरहेका उनको नाम कुनै समय धेरै अभिनेत्रीहरुसँग जोडिएको थियो ।

उनको नाम शिल्पा शेट्टी, रवीना टण्डन, प्रियंका चोपडा, आयशा जुल्कालगायतका अभिनेत्रीसँग जोडिएको थियो ।

अभिनेता सञ्जय दत्तको नाम अभिनेत्रीहरुसँगै गैह्र अभिनेत्रीहरुसँग पनि उत्तिकै जोडियो । उनले माधुरी दीक्षित, सुष्मिता सेना, टीना मुनिम जस्ता सुन्दर अभिनेत्रीहरुसँग अफस्क्रिन रोमान्स गरे ।

उनले आफ्नो बायोपिक फिल्म ‘सञ्जु’ मा आफ्नो तीन सय ८ प्रेमिका रहेको खुलाएका छन् ।