काठमाडौँ– साताको दोस्रो दिन सोमबार शेयर बजार परिसूचक नेप्से २४ अङ्कले घटेको छ ।
होटल तथा पर्यटन र व्यापारबाहेक अन्य सबै समूहको शेयर ओरालो लागेपछि नेप्से २४.०८ अंकले घटेर २ हजार ५ सय १४ दशमलव ३९ विन्दुमा झरेको छ ।
आज दुई सय ११ कम्पनीका १ करोड ९ लाख ३१ हजार कित्ता शेयर ५ अर्ब ३५ करोड रुपैयाँमा किनबेच भएका छन् । सबैभन्दा धेरै माथिल्लो तामाकोशीको ४६ करोड ९६ लाख रुपैयाँको शेयर कारोबार भएको छ ।
प्रुडेन्टियल इन्स्योरेन्स र सपोर्ट लघुवित्त कम्पनीको शेयर चार प्रतिशतभन्दा धेरैले घटेको छ । समग्र बजार घटे पनि माथिल्लो तामाकोशी जलविद्युत् र चन्द्रागिरि हिल्स कम्पनीको शेयर मूल्य १० प्रतिशतले बढेको छ ।
प्रतिक्रिया