काठमाडौँ– नेपालले चालु आर्थिक वर्ष २०७७/७८ को पछिल्लो तीन महिनामा १९ चिनियाँसहित ४० जना विदेशीलाई निष्कासन गरेको छ ।

अध्यागमन विभागका अनुसार मानव बेचबिखन र संगठित अपराध, लागूऔषध, ओभरस्टे, खोटाचलन /अन्य कसुरमा उनीहरुलाई नेपालबाट निष्कासन गरिएको हो ।

विभागका अनुसार कात्तिकदेखि पुससम्ममा १३ जनालाई ओभरस्टे, ३ जनालाई मानव बेचबिखन र संगठित अपराध तथा ३ जनालाई अन्य कसुरमा निकाला गरिएको हो । तीमध्ये सबैभन्दा धेरै चिनियाँ छन् ।

त्यस्तै अमेरिकाका ४, अस्ट्रेलिया, पाकिस्तान, फ्रान्स यमनका २/२, जोर्डन, बंगलादेश, ब्राजिल, भियतनाम, मलेसिया, इस्टोनिया, कंगो, मौरिसस र रोमानियाका १/१ नागरिकलाई निकाला गरिएको हो ।

उक्त अवधिमा ओभरस्टेका कारणले मात्र २७ जना विदेशी निकालामा परेको विभागले सार्वजनिक गरेको प्रतिवेदनमा उल्लेख छ ।