काठमाडौं– करिब एक दशकदेखि बेलायतलाई कर्मथलो बनाएकी गायिका पारु राई र मनोज थापा मगरको स्वरमा रहेको गीत ‘यो माया होइन र’को म्युजिक भिडियो सार्वजनिक भएको छ ।
त्रिकोणात्मक प्रेमकथामा आधारित गीतमा पारुकै शब्द, गायक मनोजको संगीत र संगीत संयोजन छ ।
बेलायतका विभिन्न स्थानमा छायांकन गरिएको यस भिडियोमा विपना गुरुङ, मण्डल थेबे र पारु राई फिचर्ड छन् । विशेष भूमिकामा दिलिप राई छन् ।
पारु राई र सुर्य मोक्तान तामाङ सहायक निर्देशक रहेको भिडियोमा कुशल श्रेष्ठको छायांकन र निर्देशन छ । गायक थापा मगरको आधिकारिक च्यानल मनोज थापा मगरमार्फत भिडियो सार्वजनिक भएको हो ।
प्रतिक्रिया