काठमाडौँ । जनता समाजवादी पार्टी (जसपा) का संघीय परिषद अध्यक्ष डा. बाबुराम भट्टराईले आज गरेको एउटा ट्वीटको सर्वत्र विरोध भइरहेको छ ।
भारत, उत्तर प्रदेशका मुख्यमन्त्री योगी आदित्यनाथले नदीमा दूध चडाई रहेको एउटा फोटो पोस्ट गर्दै डा. भट्टराईले गरेको ट्वीटलाई लिएर आलोचना भएको हो ।
भट्टराईको ट्वीटको आलोचना गर्दै राष्ट्रिय प्रजातन्त्र पार्टी (राप्रपा) अध्यक्ष कमल थापाले भट्टराईलाई आगोसँग नखेल्न चेतावनी दिएका छन् ।
उनले भट्टराईलाई मेन्सन गर्दै विश्वास र धर्मलाई तुलना नगर्न आग्रह गरेका छन् ।
(Circulated by @CltrShift)योगीले खोलामा दूध बगाउँदा तपाईंको टाउको दुख्छ तर तपाईं आफूले खोलामा मान्छेको रगत बगाको,मान्छेको लास बगाएको,जिउँदै मान्छेलाई नै बगाएको चाहिँ बिर्सिनुभयो ??
PS. Don’t try to play with fire my dear classmate @brb1954
and don’t equate ‘faith’ with religion. https://t.co/ZLvOZEtCZb— Kamal Thapa (@KTnepal) July 21, 2021
योगी आदित्यनाथले खोलामा दूध बगाउँदा तपाईंको टाउको किन दुखेको भन्दै अध्यक्ष थापाले भट्टराईलाई सशस्त्र माओवादी द्वन्द्वकालमा माओवादीले गरेका हिंसात्मक कार्यलाई स्मरण गराएका छन् ।
थापाले भनेका छन्, ‘योगीले खोलामा दूध बगाउँदा तपाईंको टाउको दुख्छ तर तपाईंले आफूले खोलामा मान्छेको रगत बगाएको, मान्छेको लास बगाएको, जिउँदै मान्छेलाई नै बगाएको चाहिँ बिर्सिनु भयो ?’
‘विश्वास एक खतरनाक चिज हो । यसले तपाईंलाई दूध फालेर मूत्र पिलाउँछ ।’ लेखिएको योगी आदित्यनाथको फोटो भट्टराईले ट्वीट गरेका थिए । उनले भारतीय सहपाठीमार्फत उक्त फोटो आएको भन्दै ट्वीट गरेका छन् ।
( Circulated by my classmates in India) pic.twitter.com/cJLDuANLDd
— Baburam Bhattarai (@brb1954) July 21, 2021
प्रतिक्रिया