रुपेन्देही– निषेधाज्ञामा नक्कली पास लिएर हिँडेको आरोपमा प्रहरीले रुपन्देहीमा ४ जनालाई पक्राउ गरेको छ ।

प्रहरीका अनुसार पक्राउ पर्नेमा गुल्मी धुर्कोट नगरपालिका–७ स्थाई घर भई बुटवल उपमहानगरपालिका – ११ बस्ने २७ वर्षीय विनोद घिमिरे, बुटवल उपमहानगरपालिका–११ का ५३ वर्षिय रोलक बहादुर बुढाक्षेत्री र गुल्मी मुसिकोट नगरपालिका – ७ का २७ वर्षिय विपिन काफ्ले छन् ।

जिल्ला प्रहरी कार्यालय रुपन्देहीका डीएसपी सत्य थापा अनुसार उनीहरुलाई प्रहरीले नियन्त्रणमा लिई जनही ५० हजार जरिवाना तिराएको छ ।

यस्तै, बुटवल उपमहानगरपालिका – १२ का ३९ वर्षिय मनोज गैरेलाई नियन्त्रणमा लिई ५ हजार जरिवाना लिई कारवाही गरिएको छ ।

नक्कली पास बनाई बेच्ने र सो कार्य गर्न सहयोग गरी कोभिड–१९ नियन्त्रण अध्यादेश २०७८ को दफा ३९ विपरित हुने गरी कार्य गरेकोले उनीहरुलाई सोही अध्यादेशको परिच्छेद ५ को दफा १९ को उपदफा २ बमोजिम सजाय तथा जरिवाना गरिएको प्रहरीले जनाएको छ ।