काठमाडौँ– सामाजिक संघसं‌स्थाले कोभिड–१९ प्रतिकार्यमा सहयोग गर्दै विभिन्न स्वास्थ्य सामग्री सहयोग गरेका छन् ।

समाज कल्याण परिषदको समन्वयमा सामाजिक संघसंस्थाले स्वास्थ्य मन्त्रालय तथा विभिन्न अस्पताललाई स्वास्थ्य उपकरण सहयोग गरेको गैर सरकारी संस्था महासंघका उपमहासचिव अर्जुन भट्टराईले जानकारी दिए ।

सामाजिक संघसंस्थाको पहलमा आइसोलेसन किट्स, अक्सिमिटर र पीपीईसमेत २ लाख ४६ हजार ७० थान, अक्सिजन सिलिन्डर १ हजार ६२८ थान, राहत सामग्री २९ हजार ११ थान, अक्सिजन प्लान्ट ६ थान, एन्टिजेन टेस्ट किट्स ४ हजार ४२० थान, अक्सिजन कन्सन्ट्रेटर ३६५ थान तथा अक्सिजनसहितो आइसोलेसन र अस्पताल बेड सञ्चालन ३०२ थान वितरण गरिएको भट्टराईले बताए ।