वीरगञ्ज– प्रहरीले पर्साको वीरगञ्जबाट स्कुटर चोरी गरेको आरोपमा एकजनालाई पक्राउ गरेको छ । प्रहरीका अनुसार पक्राउ पर्नेमा वीरगञ्ज महानगरपालिका–१ घर भएका २२ वर्षीय प्रदीप कुमार साह हुन् ।
जिल्ला प्रहरी कार्यालय पर्साका डीएसपी ओमप्रकाश खनालका अनुसार उनले जेठ ३ मा वीरगञ्ज–२ छपकैया बस्ने रन्जित साहको नाममा दर्ता रहेको ना.२३ प ८२७१ नम्बरको हरियो रंगको स्कुटी चोरी गरेको पाइएको छ ।
प्रगतिनगरस्थित सडक छेउमा पार्किङ गरेर राखेको स्कुटीको लक फुटाएर चोरी गरिएको थियो । प्रदीपले सो स्कुटर चोरेर सिर्सियास्थित खुसानी साहको घरमा लुकाएर राखेको अवस्थामा बिहीबार प्रहरीले बरामद गरेको थियो ।
थप अनुसन्धान भइरहेको प्रहरीले जनाएको छ ।
प्रतिक्रिया