काठमाडौँ– नेकपा एमालेका बरिष्ठ नेता माधवकुमार नेपालले प्रधानमन्त्री केपी शर्मा ओलीको समर्थनमा आफ्नो हस्ताक्षर पेश भएको प्रति राष्ट्रपति विद्यादेवी भण्डारीसमक्ष प्रश्न गरेका छन् ।

विपक्षी गठबन्धनबाट प्रधानमन्त्रीमा दाबी गरेका कांग्रेस सभापति शेरबहादुर देउवालाई समर्थन गरेका नेता नेपालले कसरी आफ्नो नाम पहिल्यै आएको भन्दै प्रश्न गरेका हुन् । देउवालाई प्रधानमन्त्री बनाउन १४९ सांसदको हस्ताक्षर लिएर शीतलनिवास पुगेका नेता नेपालले ओली बुझाएको हस्ताक्षरमा आफ्नो पनि नाम परेपछि आश्चर्य व्यक्त गरेका हुन् ।

स्रोतका अनुसार नेता नेपालको प्रश्नमा राष्ट्रपतिले कुनै जवाफ नदिएको बताइएको छ । यस्तै नेकपा माओवादी केन्द्रका अध्यक्ष पुष्पकमल दाहाल प्रचण्डले हस्ताक्षर बुझाउने क्रममा संविधान बमोजिम अघि बढ्न आग्रह गरेका थिए ।

यस्तै नेता नेपालले राष्ट्रपतिलाई संविधानले दिएको अधिकार प्रयोग गर्न आग्रह गरेका थिए ।