काठमाडौँ– विपक्षमा रहेका दलहरुले राष्ट्रपति विद्यादेवी भण्डारीविरुद्ध महाअभियोगको प्रस्ताव दर्ता गराउने विषयमा छलफल शुरु गरेका छन् ।

कांग्रेस प्रमुख सचेतक बालकुष्ण खाँणले महाअभियोगका बारेमा छलफल शुरु भएको पुष्टि गरे ।

उनले प्रस्तावकै लागि भनेर कांग्रेसले सांसदहरुलाई ४ बजे सिंहदरबार आउन निर्देशन दिएको जानकारी दिए । उनले भने, ‘अब महाअभियोगको प्रस्ताव दर्ता गर्ने मनसायमा हामी पुगेका छौं । त्यसकै लागि हामीले सबै सांसदहरूलाई दलको कार्यालयमा आउन निर्देशन दिएका छौं । सांसदहरू आउने क्रम जारी छ ।’

अहिले महाअभियोगका बारेमा सभापति शेरबहादुर देउवा र माओवादी केन्द्रका अध्यक्ष प्रचण्डका बिचमा कांग्रेस संसदीय दलको कार्यालयमा छलफल भइरहेको जनाइएको छ ।