काठमाडौँ । इङ्लिस प्रिमियर लिगको ‘हल अफ फेम’ सम्मानबाट डेभिड बेकह्याम र स्टेभेन जेर्राड सम्मानित भएका छन् ।

प्रिमियर लिगले बिहीवार म्यानचेस्टर युनाईटेडका पूर्व कप्तान बेकह्यामलाई ‘हल अफ फेम’ बाट सम्मानित गरेको हो ।

यो सम्मान पाउने जेरार्ड सातौं र बेकह्याम आठौँ खेलाडी बनेका छन् । यसअघि यो सम्मान पूर्व खेलाडी फ्रांक लाम्पार्ड, थिएरी हेनरी, रोय केन, एरिक क्यान्टोना, एलन शियरर र डेनी बेर्गकाम्पले पाइसकेका छन् ।

प्रिमियर लिगको उपाधि एक पटक पनि नजित्ने जेरार्डलाई हल अफ फेमको सम्मान दिएको भनेर पिटर क्रचले आलोचना गरेका छन् । जेरार्डलाई पउल स्कोल्स र जोन टेरी भन्दा अगाडि हल अफ फेम दिएकोमा उनको आपत्ती रहेको छ ।

क्रचले एनफिल्डमा सन् २००५ देखि २००८ सम्म बिताएका थिए । जसमा उनले सन् २००६ मा एफ ए कपको उपाधि जितेका थिए । जेरार्डले प्रिमियर लिग खेल्दा सन् २००१ र ०२, २००८ र ०९ तथा २०१३ र १४ को सिजनमा उपविजेता बनेको थियो । हल अफ फेम पाउनेमा थिएरी हेनरी र एलन शियरर पहिलो ब्यक्ति बनेका थिए ।

यस्तै, म्यानचेस्टर युनाइेटडका पूर्व विंगर बेकह्यामले पउल स्कोल्स, पिटर र रियो फर्डिनान्डलाई पछि पार्दै यो सम्मान पाएका हुन । बेकह्यामले आफू हल अफ फेममा समावेश गरिए पनि सबैलाई धन्यवाद दिएका छन् । उनले प्रिमियर लिग आफ्नो करियरमा निकै महत्वपूर्ण रहेको र आफूलाई आइकोनीक खेलाडीसँगै यो सूचीमा राखेकोमा धन्यवाद दिए ।

बेकह्याम सर एलेक्स फर्गुसन प्रशिक्षक हुँदा म्यानचेस्टर युनाइटेडमा चम्किएका थिए । बेकह्यामले प्रिमियर लिगमा दुई सय ६५ खेल खेलेका थिए । उनी युनाइटेडबाट सन् २००३ मा रियल मड्रिडमा गएका थिए । ४६ बर्षे बेकह्यामले प्रिमियर लिगमा ६ वटा उपाधि जितेका थिए । जसमा उनले ६२ गोल गर्नुका साथै ८० एसिस्ट गरेका थिए ।

प्रिमियर लिगले पूर्व खेलाडीलाई गर्ने यो उच्च सम्मान हो । बेकह्याम युनाईटेडका लागि २ सय ६५ खेल खेलेका थिए । उनले युनाईटेडका लागि ६२ गोल र ८० असिस्ट गरेका थिए ।

युनाईटेडका लागि बेकह्यामले ६ प्रिमियर लिग उपाधि जितेका थिए ।