काठमाडौँ– नेपाली कांग्रेसको केन्द्रीय निर्वाचन समितिको संयोजकमा वरिष्ठ अधिवक्ता महादेव प्रसाद यादव नियुक्त भएका छन् ।

आज बसेको कांग्रेस प्रदाधिकारी बैठकले यादवलाई कांग्रेस केन्द्रीय निर्वाचन समितिको संयोजकमा नियुक्त गर्ने निर्णय गरेको हो ।

कांग्रेस मुख्य सचिव कृष्णप्रसाद पौडेलले एक विज्ञप्ति जारी गर्दै कांग्रेसको विधान २०१७ (संशोधन सहित) को धारा ३५ बमोजिम पूर्व सांसद, पूर्व महान्यायधिवक्ता यादवलाई नियुक्त गरिएको जानकारी दिए ।

‘नेपाली कांग्रेसको विधान २०१७ (संशोधन सहित) को धारा ३५ बमोजिम नेपाली कांग्रेस केन्द्रीय निर्वाचन समितिको संयोजकको पदमा पूर्व सांसद, पूर्व महान्यायधिवक्ता एवं वरिष्ठ अधिवक्ता श्री महादेव प्रसाद यादव नियुक्त हुनु भएको छ ।’ जारी विज्ञप्तिमा भनिएको छ ।