काठमाडौं–काभ्रेपलाञ्चोक जिल्लाका धुलिखेल र बनेपा नगरपालिकाका विद्यालय आजबाट आगामी वैशाख मसान्तसम्म बन्द हुने भएका छन् ।

कोरोना संक्रमित हुने मानिसहरुको संख्या बढ्दै गएकाले विद्यालय बन्द गर्न लागेका नगरपालिकाहरुले जनाएका छन् ।

जिल्लास्थित कोभिड–१९ सङ्क्रमण नियन्त्रण, रोकथाम र उपचारसम्बन्धी केन्द्र (डिसिसिएमसी) को आजको बैठकले उक्त निर्णय गरेको हो ।

बैठकले विद्यालय, कलेज, ट्युसन सेन्टर, तालीम केन्द्र वैशाख मसान्तसम्म भौतिक उपस्थित नभई भर्चुअल वा वैकल्पिक शिक्षण सिकाइका विधि अपनाई सञ्चालन गर्ने निर्णय गरिएको छ ।

बनेपा नगरमा ३१ सामुदायिक र ४० संस्थागत गरेर ७१ विद्यालय रहेका छन् भने धुलिखेल नगरपालिकामा २६ सामुदायिक ११ संस्थागत गरी जम्मा विद्यालय रहेका छन् ।