काठमाडौँ– ‘हनी ट्र्याप’मा फसाइ रकम असुली गरेको आरोपमा प्रहरीले काठमाडौँबाट तीन जनालाई पक्राउ गरेको छ ।

दुईजना पुरुषलाई गेस्ट हाउसमा भेट्न बोलाएर कोठामासँगै बसी गोप्य रुपमा भिडियो खिचेर ‘ब्ल्याकमेल’ गर्दै पैसा असुल्न खोजेको आरोपमा प्रहरीले महिलासहित तीनजनालाई पक्राउ गरेको हो ।

पक्राउ पर्नेमा जाजरकोट घर भइ गोंगबु बस्‍ने २८ वर्षीया संगीता शाह (रितु), सिन्धुपाल्चोक घर भइ गोंगबु बस्‍ने २१ वर्षीया सुस्मिता गिरी र नुवाकोट घर भइ स्वयम्भू बस्‍दै आएका शंकर खनाल रहेको प्रहरीले बताएको छ ।

यस गिरोहले कपन र इमाडोल बस्‍ने दुईजना पुरुषलाई चाबहिलस्थित गेस्ट हाउसमा बोलाएर कोठामा सँगै बसाएर गोप्य रुपमा भिडियो खिचेर ‘ब्ल्याकमेल’ गर्दै ५ लाख रुपैयाँ मागेको प्रहरीले जनाएको छ ।