काठमाडौँ- रोबर्टो लेवान्डोस्कीको ह्याट्रिक मद्दतमा साविक विजेता बायर्न म्युनिखले जर्मन बुन्डेसलिगा फुटबलमा सहज जित निकालेको छ ।
शनिबार राति भएको खेलमा बायर्नले स्टुटगार्डलाई ४-० को फराकिलो जित निकालेको हो ।
घरेलु मैदानमा बायर्नलाई जित दिलाउन लेवान्डोस्कीले ह्याट्रिक पूरा गर्दा सर्जी जिनाब्रीले एक गोल गरे ।
खेलको १२औँ मिनेटमा अल्फन्सो डेभिसले रातो कार्ड पाएपछि बायर्न १० खेलाडीमा समेटिए पनि स्टुटगार्डमाथि हावी भइरह्यो ।
जितसँगै शीर्ष स्थानमा रहेको बायर्नले २६ खेलमा ६१ अंक जोडेको छ ।स्टुटगार्ड ३६ अंकसहित आठौँ स्थानमा छ ।
प्रतिक्रिया