बलिउड अभिनेता ओलानोकियोटन गालाबो ल्यूकसको निधन भएको छ । ल्युकसले सुपरहिट फिल्म ’फुकरे’ र ’फुकरे रिटर्न्स’मा महत्वपूर्ण भुमिका निर्वाह गरेका थिए ।

ल्यूकसले फिल्ममा डनको भुमिका निर्वाह गरेकि ऋचा चड्डाको बडीगार्डका रुपमा रोल गरेका थिए ।

ल्यूकसको निधनबारे ’फुकरे’ फिल्मका निर्माता तथा अभिनेता फरहान अख्तरले जानकारी दिएका छन् । उनले सामाजिक सञ्जालमा ल्युकसको तस्वीर पोस्ट गर्दै श्रद्धाञ्जली दिएका छन् ।

यस अलावा ’फुकरे’का दिलीप उर्फ चूचा को भुमिका निर्वाह गर्ने कमेडियन वरुण शर्माले समेत ल्यूकसको निधनमा शोक जनाएका छन् ।

फिल्म फुकरे सन् २०१३ मा रिलीज भएको थियो । यस फिल्ममा ल्यूकसका अलावा पुलकित सम्राट, वरुण शर्मा, अली फजल, मनजोत सिंह, पकंज त्रिपाठी र ऋचा चड्डा मुख्य भूमिकामा थिए । यस फिल्मको रीमेक फुकरे रिटर्न्स सन् २०१७ मा रिलीज भएको थियो ।