एजेन्सी- म्यानचेस्टर युनाईटेड इंग्लिस प्रिमियर लिग फुटबलको शीर्ष स्थानमा पुगेको छ ।
बुधबार राति भएको खेलमा फुलहमलाई २-१ गोल अन्तरले पराजित गर्दै युनाईटेड शीर्ष स्थानमा पुगेको हो ।
एक गोलले पछि परेको युनाईटेडले पुनरागमन जित निकालेको हो । पाँचौँ मिनेटमा लुकम्यानले गोल गर्दै फुलहमलाई अग्रता दिलाएका थिए ।
२१औँ मिनेटमा एडिन्सन काभानीले गोल गर्दै युनाईटेडलाई १-१ गोलको बराबरीमा ल्याए ।
६५औँ मिनेटमा पाउल पोग्बाले गोल गर्दै युनाईटेडलाई २-१ को जित दिलाए ।
जितसँगै युनाईटेडले १९ खेलमा ४० अंक जोडेको छ ।फुलहम १२ अंक जोडेर १८औँ स्थानमा रहेको छ ।
प्रतिक्रिया