काठमाडौँ– प्रदेश २ प्रमुख डा राजेश अहिराज र वाग्मती प्रदेश प्रमुख विष्णु प्रसाईले चैते दशैँको अवसरमा आज सप्तरीको प्रसिद्ध शक्तिपीठ छिन्नमस्ता र कंकालनीमा पूजाअर्चना गरेका छन् ।

प्रदेश प्रमुखद्वय झा र प्रसाईले भारदहस्थित कंकालनी मन्दिरमा पुजापाठ पछि छिन्नमस्ता पुगेर पूजाअर्चना गरेका हुन् ।

छिन्नमस्ता मन्दिरमा उनीहरुलाई मन्दिरका पीठाधीश महाकान्त ठाकुर, जनता समाजवादी पार्टीका केन्द्रीय सदस्य जय प्रकाश ठाकुर, महिला अधिकारकर्मी सुनिता साह लगायतले स्वागत गरेका थिए ।

छिन्नमस्ताका पीठाधीश ठाकुरले प्रदेश २ का प्रमखु झा सँग छिन्नमस्तामा वेदविद्या आश्रम निर्माणका लागि सहयोग गर्न आग्रह गरे । प्रदेश प्रमुख झाले छिन्नमस्ता शक्तिपीठको संरक्षणका साथै वेद विद्या आश्रम निर्माणका सक्दो सहयोग गर्ने प्रतिवद्धता व्यक्त गरेका थिए ।