काठमाडौँ – प्रधानमन्त्री केपी शर्मा ओलीले पाकिस्तानी प्रधानमन्त्री इमरान खानको सुस्वास्थ्य र कोभिड–१९ बाट मुक्त भई शीघ्र स्वास्थ्यलाभको कामना गरेका छन् ।
प्रधानमन्त्री ओलीले शनिबार बेलुकी ट्वीट गरी सो कामना गरेका हुन् । पाकिस्तानी प्रधानमन्त्री खानलाई कोभिड–१९ पोजेटिभ देखिएको त्यहाँका स्वास्थ्य मन्त्री फैसल सुल्तानले जानकारी दिएका छन् ।
I wish Prime Minister of Pakistan H.E. @ImranKhanPTI wellness and speedy recovery from COVID-19. @PakPMO
— K P Sharma Oli (@kpsharmaoli) March 20, 2021
प्रधानमन्त्री खान अहिले घरमै आइसोलेशनमा बसेको स्वास्थ्य मन्त्री सुल्तानले बताएको बीबीसीले जनाएको छ ।
सन् २०१८ मा पाकिस्तानको प्रधानमन्त्री बनेका राष्ट्रिय क्रिकेट टिमका पूर्व कप्तान खानले दुई दिन अघि मात्रै कोरोना विरुद्धको पहिलो खोप लिएका थिए ।
पाकिस्तानमा कोरोना भाइरसका कारण १३ हजार ७९९ जनाको मृत्यु भएको छ भने ६ लाख २३ हजार बढी व्यक्ति कोरोना संक्रमित भएका छन् ।
प्रतिक्रिया