काठमाडौँ– कोभिड १९ विरुद्धको खोप नेपालमा ल्याउन छिटो छरितो र सहज रुपमा भन्सार जाँचपास प्रक्रिया अपनाइने भएको छ ।

भन्सार विभागले कोभिड १९ विरुद्धको खोप सामग्रीहरुको जाँचपास सम्बन्धि जानकारीका लागि मुख्य भन्सार विन्दुहरुमा विशषत त्रिविस्थल भन्सार कार्यलयमा छुट्टै इकाई खडा गरी कर्मचारी खटाइने जनाएको छ ।

यसका लागि विभागमा तत्काल समस्या समाधान कार्यदल रहनेछ ।

खोप पठौरी पूर्व नै कागजातहरु उपलब्ध भएमा खडा भएको इकाइमार्फत जाँचपासको पक्रिया मिलाइने विभागले जनाएको छ ।  पैठारीका कागजातहरुमा खोपको परिमाण तथा मुल्य नखुलेको पाइएमा स्वास्थ्य तथा जनसंख्या मन्त्रालयसँग समन्वय गरी जाँचपास गरिने विभागका महानिर्देशक सुमन दाहालले बताए ।

उनकाअनुसार पैठारीकर्ताले औषधी व्यवस्था विभागबाट प्राप्त गरेको खोप अनुमतिको प्रमाण पत्र सहित पेश भएका कागजातका आधारमा गेट वा काउन्टरबाटै शीघ्र जाँचपासको व्यवस्था मिलाइनेछ ।

त्यस्तै जाँचपासका लागि आवश्यक कागजात पेश नभएको वा महसुलको सम्बन्धमा कुनै दुविधा उत्पन्न भएमा यथाशीघ्र स्वास्थ्य मन्त्रालयसँग आवश्यक समन्वय गरी मालवस्तुको जाँचपास गरिने व्यवस्था मिलाइने जनाइएको छ ।

भन्सार विभागद्वारा जारी सूचना यस्तो छ-