झापा- झापाको भद्रपुरस्थित एक कपास उद्योगमा आगलागी हुँदा १२ लाख रुपैयाँ बराबरको क्षती भएको छ ।
भद्रपुर-५ को झापा चोकमा रामचन्द्र सहनीले सञ्चालन गरेको उद्योगमा आगलागी भएको हो । कपास पेल्ने क्रममा कपासमा मिसिएर आएको ढुङ्गाको कारण मेसिनमा खराबी भई अचानक आगलागी भएको प्रहरीले जनाएको छ ।
सो क्रममा उद्योगको मेसिनसहित ५७ बोरा तयारी कपास पूर्ण रुपले जल्दा १२ लाख रुपैयाँ बराबरको क्षती भएको अनुमान गरिएको जिल्ला प्रहरी कार्यालय झापाका प्रवक्ता प्रहरी नायव उपरीक्षक राकेश थापाले जानकारी दिएका छन् ।
मंगलबार साँझ लागेको आगो स्थानीय, प्रहरी र भद्रपुर नगरपालिकाको दमकलको सहयोगमा नियन्त्रणमा लिईएको थियो ।
प्रतिक्रिया