काठमाडौँ– सरकारले ल्याएको राजनीतिक दल सम्बन्धी अध्यादेशको विरोध गर्दै नेपाल खेलकुद महासंघले प्रदर्शन गरेको छ ।

महासंघले बिहीबार काठमाडौंको त्रिपुरेश्वरमा विरोध प्रदर्शन गरेका हुन् । वर्तमान सरकारले जारी गरेको अध्यादेशले मुलुकलाई अस्थिरतातर्फ धकेलेको र समग्र राजनीतिक प्रणाली प्रतिगमनतिर ढल्किएको भन्दै विरोध गरिएको महासंघले जनाएको छ ।

प्रदर्शनमा सहभागीहरुले भूमि आयोगलाई निरन्तरता दिनुपर्ने समेत माग गरे । सरकारले मुलुकलाई अस्थिरतातर्फ ढकेल्न खोजेको भन्दै राजनीतिक अस्थिरता र कुशासनका विरुद्ध खेलाडीको सहभागीमा प्रदर्शन गर्नुपरेको महासंघका अध्यक्ष रमेशकुमार पौडेलले जानकारी दिए ।

जनता र राष्ट्रियताका सवालमा सरकार कमजोर देखिएको उनले बताए । महासंघले सरकारविरुद्धको आन्दोलनलाई देशव्यापी बनाउँदै निरन्तरता दिने जनाएको छ ।